Komtj oeëver -3608 daag nao de spetterendje musical!
Mét os. In Wieërt.

Home

Opbringst Rogstaekers-De Legende nao twieë Wieërter gooj doele


V.V. de Rogstaekers uut Wieërt hieët vandaag bekindj gemaaktj det de mieëropbringst uut de kaartverkoup vanne succesvolle musical”Rogstaekers’De Legende, the Movie enne DVD mét book, bestieëdj wurtj aan twieë Wieërter gooj doele

Gooj doel opgezatte doeër Wieërtenare

De organisasie van “Rogstaekers-De Legende hieët daobeej gekoeëze vör kleinschalige projecten opgezatte doeër Woeëngroep de Regenboog en Stichting Peramiho

Woeëngroep de Regenboog, gelaege aanne Maastrichtstraat In Wieërt (locasie woeë vreuger de tennisveldje vanne Wilma lage) bestieët uut acht jong minse tösse de 18 en 32 jaor di-j allemaol ernstig mieërvoudig complex gehandicapt zeen. De bezuniginge inne  zorg make ‘t stieëds meujlikker um leuke passende activiteite uut te veure mét de bewoeëners. Heejvör és  de organisasie afhankelik van gifte. 

Stichting Peramiho uut Wieërt és  opgezatte doeër Monique Derrez en heur partner  Leon van Enckevort. ‘t Twieëtal offert jaorliks eur verkansie op um projecten in Zuid-Tanzania (in en roontelum ‘t plaetske Peramiho) lijfelik te oongersteune. De stichting  oongersteuntj, zoeëwaal  financieel en organisatorisch, projecten op ‘t gebied van oongerwiês, gezondheidszorg en schoeën en veilig drinkwater. In 2014 és de bewaarchoeël in gebroeëk genoeëme di-j mede doeër de stichting muuëgelik és gemaaktj. ‘t Nowwe project és de inrichting van ‘n operasiekamer in ‘n mooder-kîndj kliniek. Heejdoeër kunne keizersneden plaatsvînge. Heejdoeër wurtj ‘t  aantal mooder- en kîndjsterftjes trökgebrachtj. Daonaeve  oongersteuntj de stichting twieë wieëshoêze  en twieë lepradörpe.


Rogstaekers-De Legende the Movie
Aanstaondje vriêdig 11 juli wurtj inne zale van Gotcha-Cinema “Rogstaekers-De Legende the Movie” vertoeëntj. De vuuërstelling begintj um 19.45 oor en um óngevieër 19.15 oor waere de hoeëfdrolspeulers vanne musical oeëver “de roeëje louper” binnegehaaldj.  Kaarte zeen te koup aanne kassa vanne bioscoop vör de priês van € 7,--.  Na aafloup vanne vuuërstelling és d’r ‘n after party beej Café de Gotcha.

DVD Rogstaekers-De Legende
Vanaaf zaoterdig 12 juli zeen de DVD en ‘t foto en tekstebook van “Rogstaekers-De Legende” vör de priês van € 11,-- te koup beej Van Bun Boek , Tijdschriftenhandel  Primera Wouters en Party Time. Vör minse di-j  “tegoodbonne” vör dieëze DVD en ‘t tekstebook hieët gekochtj, zeen dieës  bonne vanaaf det memênt ouch in te ruuële op geneumdje adresse.

Mieër informasie
Mieër informasie oeëver Stichting Peramiho vîngtje op www.moniquehelpt.nl
Mieër informasie oeëver Stichting Woongroep de Regenboog vîngtje op www.woongroepderegenboog.nl

Foto's Adrie Hendriks

Foto's

X
<
 
<
 
>
 
 
>